秋生做善事唔使打鑼鼓

黃秋生、余安安、林德信及楊淇將於九至十月合演舞台劇《仲夏夜之夢》，眾人昨日出席發布會，秋生被問到演藝界向消防員致敬，卻遭網民認為是借機抽水，秋生謂：「咩都有人講，最好捐埋錢，佢哋捐得起，佢哋都係有心嘅，不過有能力可以做得更好。」

提到未見秋生參與該致敬行動，他就解釋：「我當然冇啦，我用自己嘅方法去致敬。呢幾日睇我Facebook就知，我都發咗（有關消息）兩日，我有朋友係殉職消防員嘅同袍，我自己做咗啲咩，唔會打鑼打鼓咁老套。佢哋係英雄，香港亦有好多英雄。」

此外，對於美國天后Lady GaGa日前與達賴喇嘛會面，有傳中方下令封殺GaGa，秋生說：「我都唔知佢有冇入中國市場，而且我都唔聽佢啲歌，就算係麥當娜，我都唔聽喇！」