笑住向消防員打氣 翠如刪相息民憤

演藝界日前發起「向前綫消防員致敬」活動，逾200位演藝人響應呼籲，紛紛手持標語拍照力撑。不過，網民反應不一，當中笑到「四萬咁口」拍照的黃翠如，被狠批「到底知唔知自己做緊乜？」嚇得翠如BB立即刪post平息民憤。

黃翠如昨日現身尖沙咀出席Motorola手機發布會，分享自拍心得和技巧。活動後，傳媒追問她向消防員致敬相「出事」，翠如坦言：「其實影呢張相嘅原因，希望畀多啲正面力量多謝消防員。」但相片很快已刪掉，翠如解釋道：「因為有網民留言講粗口，我為咗保護自己，所以選擇delete。其實香港每個人動機一樣，出發點都係支持消防員。」對於事件出現負評，翠如大感無奈。

唔需要男友安慰

面對部分激進網民用粗口發洩，翠如表示：「咁樣對自己傷害很大，雖然大家可以表達意見，但我嘅社交網頁係公開嘅地方，有人留言粗口，我覺得心痛同難過，我真係好驚粗口。」男友蕭正楠可有予以安慰？翠如立刻展露堅強一面：「佢知我好正面，唔需要安慰。」她又強調，今次是全香港一條心去做一件事，大家都希望香港好。

此外，「向前綫消防員致敬」活動主題曲《真的英雄》，集合許冠傑、張學友、陳奕迅及陳慧琳等群星獻唱，MV昨晚七時在九個電子傳媒及網上播出。

撰文：Pauline

編輯：陳禮恒

設計：梁政敏