謝婷婷心痛四哥傷勢

謝婷婷及鄭融等昨日出席美容品牌新店開幕，婷婷為備戰即將開拍的動作電影，近日特地跟隨世界冠軍級教練學習跆拳道及武術，「我做番學生，訓練咗十幾日，每日六個鐘，最開心每日見到自己進步。我依家可以一個打兩個，師傅都有讚我。」

提到父親謝賢（四哥）在內地拍劇時遇車禍受傷，原來婷婷當日已探望爸爸：「始終係老人家，佢上車嗌痛，但死都要去拍戲。佢撞車之後兩個鐘，先知自己手腕冇咗忽肉，肋骨又裂咗，都幾嚴重，我好心痛、好𤷪。」