自爆曾患產後抑鬱 靚靚與張智霖日日吵大鑊

袁詠儀（靚靚）跟老公張智霖（Chilam）是圈中的模範夫妻，兩人早前參加了內地真人騷《一路上有你》大曬恩愛，但她日前在好姊妹伍詠薇主持的節目中，卻自爆當年誕下兒子張慕童（魔童）後曾患產後抑鬱，導致她跟Chilam的婚姻一度出現危機。

靚靚在《伍姑娘真識食》的訪問入面盡訴心中情，於01年跟Chilam結婚的她，至06年才誕下兒子魔童，她和Chilam都對兒子寵愛有加，不過靚靚透露誕下魔童後不久，曾患上產後抑鬱，她表示：「當時對好小事都好敏感，咩都睇唔順眼，成日同Chilam大吵大鬧。記得有一次佢嬲到砰門走咗去，我先發覺佢真係忍得好辛苦，感到婚姻出現危機，於是我決定唔再逃避，正視自己嘅問題。」靚靚特別感激Chilam多年的照顧和體諒，更笑言現在的生活屬滿分，已無欲無求。

與伍姑娘一拍即合

講完婚姻，靚靚和伍姑娘就大談姊妹情，港姐出身的靚靚坦言，當年曾看不起亞姐出身的伍姑娘，但最後因合作拍電影，竟令二人成為一世好友，靚靚說：「當年拍《姊妹情深》，阿旦（鄭丹瑞）同我講伍詠薇會飾演我的姊妹，我心諗：『吓？佢亞視㗎喎，同我一齊拍？』誰不知一拍即合，好似鬼上身咁，從此愛上伍姑娘，甩唔到身。」靚靚更坦言最愛伍姑娘夠直率及無機心：「雖然佢好無禮貌，成日叫我食屎，但我寧願佢直腸直肚，好過啲人背後插你一刀。」之後靚靚又大爆伍姑娘缺點：「佢最鍾意將食物的骨頭放喺人哋隻碟上，好噁心！不過每次我嬲完都會細心諗：如果你認定呢個朋友，就要包容佢嘅優點同缺點，咁先可以做一世朋友。」

撰文：倪小珊

編輯：林梓添

設計：nc