Jan攬女神Kay 張繼聰扮嬲

林海峰（Jan）在紅館舉行一連六場的棟篤笑於今晚上演最後一場，前晚就有陳奕迅和老婆徐濠縈、黃秋生、張繼聰同老婆謝安琪捧場，完騷後個個輪住入後台同Jan合照。

張繼聰和正在放假的Kay一齊入後台搵主人家，但見Jan搭住Kay的膊頭V晒手合照，人夫張繼聰就企在不遠處玩自拍。

酸溜溜的他將相Po上網並留言：「阿Jan叫我行開啲！」相當搞笑。之後阿聰讚阿Jan個騷好精采，還說自己同阿Jan合照，完全表達到作為粉絲的心情。而Kay也有上載同Jan合照：「可能Jan叔叔都覺得我又肥又圓又乖乖，你睇佢笑得幾開心！」