Chilam澄清 靚靚冇勇氣半裸浸浴

張智霖（Chilam）早前與太太袁詠儀（靚靚）和囝囝魔童坐郵輪去意大利享受假期後，隨即返港工作，不過，今個禮拜忙於新碟宣傳，稍後又一家三口啟程前往馬爾代夫享受陽光與海灘。

Chilam昨日到商台接受訪問宣傳新碟，不過他透露忙完今個禮拜，就會與太太及囝囝飛去馬爾代夫度假。談到首次到訪意大利，他仍是回味無窮，行程中更初嘗火山浴滋味。

之前有網民指靚靚半裸浸浴，Chilam則代為澄清：「佢無咁有勇氣，嗰度都有好多人，不過十幾年前我哋喺澳洲就試過到無上裝沙灘，佢都即席揮毫半裸，仲行得好自然，我開頭都有監視現場，好快就覺得無乜特別。」

問到倘若將來有機會到天體沙灘，他又會否夠膽在沙灘上坦蕩蕩曬日光浴？Chilam直言一定有勇氣去全裸，並非對自己的身形有信心，只是應該入鄉隨俗。

肥足20磅腿變粗

而Chilam在九月將會到佛山舉行巡迴演唱會，他苦笑謂：「每次都話最後一場，最後仲係欲罷不能，次次主辦單位都想我再做，其實巡迴真係唔做得太長，因為好難成日保持咁Fit狀態。」他又說現時比之前開騷已肥了20磅，着上機師褲慘變成臘腸褲，他笑言：「我都估唔到對腳粗咗咁多。」

撰文：Pauline

編輯：林梓添

設計：nc