拍網劇版《無間道》有咀戲 羅仲謙：梗有同楊怡備案

羅仲謙、羅嘉良（撈家）與廖碧兒等昨日出席電視劇《無間道》發布會，已為人夫的羅仲謙因劇情需要，與內地女演員朱銳拍激吻戲，他笑言事前已乖乖稟報老婆楊怡。

電影版《無間道》深入民心，問羅仲謙是否飾演劉德華的角色？他說：「都唔算，我哋呢部劇係延續，加上有嘉良哥助陣，所以冇壓力。」羅嘉良與廖碧兒亦不擔心與電影版比較，因為除故事不同外，今次亦採用新技術虛擬實景（VR）拍攝，令畫面更逼真。

撈家碧兒車廂談情

撈家在劇中與碧兒演一對，他笑說：「我哋好多年冇合作，啱啱先拍完車廂咀戲，因為要拍好多角度，都咀咗四、五次。」稍後他往泰國拍跳海戲，「以前成日拍跳海戲，所以我都唔驚水，希望乾乾淨淨就得。」碧兒笑言自己主力談情，所以最危險的動作只是穿高踭鞋。

撰文：李潔盈

編輯：林梓添

設計：Alex