扮比卡超呃過萬嬲 周秀娜知衰道歉

周秀娜昨日出席有份配音的《冰河世紀：隕石撞地球》首映禮，她上周在FB預告試玩遊戲《Pokémon GO》，誰知竟是扮真人比卡超，被網民派過萬「嬲嬲」鬧爆。娜姐昨日為其「語言偽術」耍冧：「我文字同意思傳達唔正確，令意思上有誤會。」

娜姐坦言自己跟粉絲一樣，十分恨玩《Pokémon GO》，「我諗住Share下我想玩呢個遊戲，最終冇得玩，我都失望。我拍片本來只想大家開心下，得啖笑！」雖然被網民狂鬧，但她笑言日後會繼續玩FB直播：「反而會開多啲Live，大家都鍾意上網分享自己，我喺自己平台分享，預咗有人鍾意，有人唔鍾意，好正常。」

少爺占被囝囝整蠱

同場有份配音的少爺占表示，稍後會帶現年兩歲的兒子入戲院欣賞。他透露現時在晚上開咪，所以日間可以送囝囝上學，「阿仔依家會叫我起身，不過有時我瞓瞓下，點解凍到好似停屍間？原來阿仔揭起我張被！」

撰文：李潔盈

攝影：林良明

編輯：林梓添

設計：梁政敏