宣萱拍無綫劇賣口乖 林文龍：估佢簽長約

林文龍和宣萱重返無綫拍劇，兩人甫開工已甚有默契，宣萱相隔五年再返去拍劇，她大讚合作的同事相當有Heart，就算幕後工作人員都跟以往不同，連文龍也笑她想簽長約才會如此賣口乖。

無綫4K新劇《不懂撒嬌的女人》昨日在蘭桂坊的大廈露天花園中舉行拜神儀式。林文龍和宣萱兩名舊將雞啄唔斷，原來兩人入行廿年才首度合作，而該劇亦已開拍了三個星期。宣萱大讚台前幕後士氣相當好，也十分欣賞每個部門工作態度，她笑言：「拍完呢個劇真係返唔到轉頭！」林文龍聞言後即取笑她：「可能佢簽咗長約，我就未簽，佢準備做下一個羅蘭姐！」宣萱又指林文龍經常搞氣氛，因此很喜歡這個拍檔，更笑言：「冇佢真係冇咁多歡樂，佢咁多年冇變嘅就係依然嘴Jel Jel。」

公司跟足要求

林文龍則表示最開心的是，但凡斟洽拍劇前提出的要求，公司真的守承諾，今次返娘家拍劇，他覺得人力、物力各方面都比以往做得更好。該劇有幾個主景，其中一個辦公室搭景，宣萱在那兒有個私人辦公室，文龍踢爆：「佢簡直當正自己私人空間，帶好多私人物品擺放。」

談到高海寧拍攝該劇時因壓力太大而爆喊，文龍表示看到報道才知道，事後亦有與對方傾偈。「佢第一次接觸呢種角色，所以拿捏方面有啲吃力。佢係新人，對自己有要求係百分百應該，其實呢幾日開工佢已經放鬆咗，當然仍有進步空間。」

採訪：Pauline

攝影：林良明

編輯：林梓添

設計：Herbert