《超能老豆》 思捷新手爸爸唔易做

由李思捷、陳智燊主演的新劇《超能老豆》（前名《爸B有話兒》），播出日期一拖再拖，終於鐵定於下周一晚上首播。新劇雖沒有強勁卡士和電腦特技，但當中探討的親子關係及溫情，令家長深感共鳴又窩心。

不少劇作經常歌頌母愛偉大，卻較少提到同樣辛勞的爸爸。監製潘嘉德希望透過劇集，表達為人父親絕不容易。「思捷飾演單親衰格老豆，因為前妻再婚而焗住湊仔，從中學習點樣真正做人老豆。咪睇思捷好似好不羈，其實佢好疼錫小朋友，所以好受小演員歡迎。」他透露思捷與劇中的「囝囝」羅梓龍特別投緣，拍完劇一直保持聯絡，後來更正式上契做「父子」！

而現實中即將為人夫的陳智燊（Jason），則率先預演全職湊仔公。「Jason喺劇中為咗幫囝囝揀最合適嘅小學，決定辭職全力湊仔，由太太趙希洛外出工作，但Jason嘅爸爸潘志文就極為反對。」

童星夠搶戲

Jason夾在老父與老婆之間左右為難，更要照顧一仔一女，體驗本地家長辛酸。另外，劇中三位小演員羅梓龍、陳柏熹及《一屋老友記》中的「菲菲」陳偲穎，表演生鬼可愛，相當搶戲，深得監製讚賞。

撰文：李潔盈

編輯：林梓添

設計：nc