突然甩拖 胡定欣澄清不涉第三者

胡定欣和音樂人陳明道（Terry）一個月前宣布分手，定欣隨即飛往英國散心治情傷，對於外間指她因為向男友逼婚不遂，終導致分手收場。定欣重申沒有發生這回事，亦跟第三者無關，同時希望傳媒不要騷擾Terry。

胡定欣剛從英國返港，昨日出席新劇《城寨英雄》宣傳活動，並首度開腔回應連日來有關分手的種種傳聞。

定欣之前去了英國旅行被指是散心，她澄清假期是一早定下的，並不是去散心。問她可有為這段情而喊？她說：「冇，又唔係第一次拍拖，人係會有開心同唔開心，每次都係一個成長，無任何負面、唔好嘅情緒，冇嘢係放唔低。」

依然欣賞舊愛

至於分手是否涉及第三者？定欣表示之前已交代過，有關第三者是不實的報道，她強調與Terry沒有不愉快，她說：「雖然我唔識嗰個女仔，但相信個女仔都受影響，其實唔關佢事，佢哋係朋友關係食過飯，係老師關係。」定欣希望大家不要再騷擾Terry，她再次表示分手是因為彼此性格不合，並不如傳聞所指她逼婚不遂：「『逼婚』呢個字眼放喺女仔身上唔係咁好，講得太多大家就會信以為真，（有新追求者嗎？）冇，依家工作好忙。」她又謂與Terry分手後依然是好好朋友，仍然很欣賞及尊重他。

另外，與伍允龍傳緋聞的劉佩玥，被問到一齊玩遊戲時會否尷尬？她笑說：「唔尷尬，只擔心整傷佢嘅背脊，因自己負磅都唔輕。」她又謂今次遊戲可令他們的緋聞不攻自破。

撰文：Pauline

攝影：林良明

編輯：林梓添

設計：梁政敏