盧大偉出殯 志偉王祖藍扶靈

扶靈名單除了曾志偉外，還有王祖藍、張崇德、丁羽及鄭啟泰等，日前才出席完武打影星馮克安喪禮的志偉昨日眼泛淚光說：「今年三月好多朋友走咗，兩個都係我好朋友，一個武俠片界（馮克安），一個電視電影喜劇界（盧David）。我成日都同啲朋友開玩笑，後生時做兄弟，老咗就做治喪委員會扶靈。依家年紀大咗，希望身邊朋友都身體健康。」

以Gag化解怨氣

志偉表示早前與一班武師飯聚，「克仔（馮克安）遺願係想翻拍電影《同撈同煲》，我會諗諗拍成動作版，希望搵埋一班武師拍攝，當聚一聚。」

同場的張崇德因工作關係認識盧David，大讚對方說：「佢係個好好嘅人，學盧太話齋，社會上好多怨氣，佢（盧David）幫大家有個正面態度，又做好多義工。」昨日由盧David遺孀盧太主持出殯儀式，早上11時，靈柩送往火葬場火化。完成儀式後，神情哀傷的盧太在丁羽攙扶下緩緩步出，並對記者說：「多謝大家，辛苦大家。」一旁的祖藍即擁抱盧太送上安慰。眾人隨後在尖東一間酒家參與英雄宴。