學友自爆畀女兒恰慣

張學友、林嘉欣昨晚到旺角出席電影《暗色天堂》首映禮，學友表示電影內容具爭議性，故不會刻意與太太及女兒一齊睇，但笑言不介意女兒偷偷捧場，到時可以同女兒討論觀後感。

同樣育有兩名囡囡的嘉欣，前年完成有關育兒課程，她與學友大談湊女經，學友兩女已經15歲及11歲，嘉欣教學友要懂得尊重女兒，但學友聞言即說：「吓，我尊重咗佢哋好耐，係佢哋冇尊重我。」