李嘉欣否認再有喜

近日盛傳李嘉欣再度懷孕，不過她昨日出席活動時穿上三吋高踭鞋，看來是以行動粉碎傳言。問嘉欣是否應該恭喜她？她笑言：「唔係，恭喜我肥咗？都唔知點解咁樣傳，大家多心咗。」她又重申就算最近不見她和老公許晉亨一齊出席活動，也不代表婚變或有孕。

問到是否怕小器才不敢講？嘉欣強調目前還有做運動，何況想懷孕都不容易，雖然見到BB女可愛都渴望生女，但這些事還是隨緣好了。問到兒子Jayden有否暗示想要個弟妹？嘉欣續說：「佢擔心被人分薄，佢唔乖時我就會同佢講『如果有乖嘅BB就好啦』，佢即刻好緊張，我啲朋友覺得我咁講好過分。」

提到近日接連發生的學生自殺問題，嘉欣有感而發︰「Jayden本身性格開朗，現在啲小朋友比較多嘢學，會腦閉塞，唔識點表達，小朋友都好慘，有壓力真係唔知搵邊個講，希望小朋友唔好為咗學業咁大壓力。」

攝影：林良明