李佳芯背稿嗌救命

近期備受力捧的李佳芯（Ali）接連有新劇推出，除了《潮流教主》，新劇《律政強人》又與好戲之人廖啟智、方中信做對手戲，稍後更與回巢的羅嘉良合作。《律政強人》前晚在長沙灣舉行煞科宴，Ali指最辛苦是背對白，因飾演律師對白冗長，有時廠景接外景精神不夠，記劇本時更吃力。她說：「今次喺方Sir身上學到很多，佢哋背對白好有辦法，我唔可以NG，情願唔瞓都要做足功課。」方中信坦言拍劇太辛苦，又睡眠不足，年紀大頂唔順，他笑說：「唔通拍處境劇咩，但處境劇嘅生活太規律，我唔習慣，客串又冇乜意思。」此外，方中信取笑曹永廉：「係今年嘅『最佳女配角』，如果真係攞獎，我上台頒獎畀你。」