軒仔返廣州 同5個女仔相睇

張敬軒早前身體抱恙取消演出，前晚在澳門補辦巡迴演唱會。軒仔自爆新春期間返廣州過年，卻被親友安排他與五個女仔相睇，見慣大場面的軒仔，坦言已不是第一年被催婚，但不覺得反感，只是有點兒老套。

張敬軒經常被指是關智斌密友，兩人沒有避忌，而軒仔在個唱上卻自爆：「新年返廣州探屋企人，好多人嚟拜年好熱鬧，同親戚出去食飯，大家就坐埋一張枱，跟住有人安排幾個妹妹坐埋嚟，原來係相睇。」席間有親友大讚軒仔是絕種好男人，軒仔抵死表示：「我心諗絕咩種，有得配種嘛。」此時，有女歌迷在觀眾席上大叫：「我又配。」軒仔笑指時下女生咁豪放。

並非整容人

對於被安排相睇，軒仔完騷後向傳媒表示，明白長輩出於一片好心，只是感覺做法過時，他解釋：「當晚有五個女仔，可能屋企人想睇我身體頂唔頂到。」軒仔又形容五個女仔的容貌自然舒服，並非撞口撞面的整容人，但他笑稱：「我自己一個人都唔夠食，仲點養多個！」

撰文：Pauline

編輯：陳禮恒

設計：梁政敏