學煮賀年餸受讚 Ivana承諾打好蘇太呢份工

去年底與Eric So結婚的王菀之（Ivana），今年是她首次以人妻身份向親友派雙封利市，乖巧的Ivana亦按傳統習俗返老爺、奶奶家拜年，她還親自下廚炮製賀年菜式以饗長輩，更忍不住自讚是個稱職主婦。

Ivana昨日出席法國品牌GUERLAIN舉行的活動，還戴上著名頭飾設計師Awon Golding的作品。席上司儀叫她「蘇太」，Ivana即時笑得燦爛，她更分享以人妻身份過年的喜悅：「首次派雙封利市呀，又去咗老爺、奶奶屋企拜年，仲學做稱職嘅主婦，整咗好多過年食品，不過同老公都病咗，所以煲粥一齊食，今次真係有粥食粥，有飯食飯啦。」她承諾做個好太太，打好「蘇太」這份工。

避談造人大計

Ivana受訪時自爆今年最勁是親自炮製花膠蠔豉炆冬菇，是上網學煮的，連老公都大讚好味，Ivana又覺得老公十分體貼，在大年初一當日為免外父、外母等候，主動提出先返娘家拜年，令她感到受尊重，到夜晚返老爺、奶奶家吃飯時，奶奶又傳授烹飪心得，她還吃了許多美味的賀年食品，自覺肥了一點點。

問到何時實行造人大計？Ivana笑言順其自然。問到是否已不設防？她立刻封嘴：「唔講得！其實老公都唔心急，隨緣啦，（見你肥咗少少！）肚入面嗰啲都係年糕、蘿蔔糕同香蕉，我仲未有BB。」

採訪：Pauline

攝影：林良明

編輯：黃寶恩

設計：nc