B女月底1歲 Gigi復出拍戲驚冇記性

梁詠琪（Gigi）昨日與特首夫人唐青儀應邀到中環出席梅夫人婦女會成立一百周年活動，兩人同場進行醒獅點睛儀式。已為人母的Gigi亦趁機向特首夫人請教職業女性應如何分配時間，不過她就沒有跟特首夫人交流湊女經。

梁詠琪在活動上獲委任為大使及終生會員，有女萬事足的她，凡事都會顧及女兒，她表示將來會帶女兒Sofia享用會所設施，例如學跳芭蕾舞，不過她卻搞笑謂：「芭蕾舞的確幾優雅，但我暫時睇個女咁活潑好動，加上條腿又肥，都係等佢瘦番啲先學，我驚人哋唔肯收佢。」

Sofia黐媽咪多啲

近日Gigi重新投入幕前演出，昨早從澳門開工拍完電影趕返港，之後又要到澳門繼續拍攝。相隔差不多兩年冇拍戲，她笑言：「一孕傻三年，驚記性唔好，要比以前更落力去記劇本，自己一向大頭蝦。」

雖然Gigi來回港澳兩地相當頻撲，但她仍有時間回家看看女兒，她自覺是個黐身媽咪，是時候學習一下不要太黐個女。問到女兒是否比較黐她？Gigi即得戚表示：「我永遠係個女嘅A選擇，老公先係B選擇。近排開工就要靠老公Sergio湊女，佢放工就立刻趕返屋企。」Sofia在本月28日滿一歲，Gigi說只會一家人簡單吃飯，笑指女兒還小，慶祝也不會記得。

此外，問到Gigi跟特首夫人同場，可有趁機交流心得？她續稱：「都係講現今女性忙於照顧屋企又要兼顧工作，怎分配時間。」她笑言沒有交流湊女經，因特首夫人的女兒已長大，Sofia還是BB，教育方法不一樣。

撰文：Pauline

編輯：陳禮恒

設計：大雄