韓國大熱火山爐烤雞

韓劇睇極唔悶，K pop百聽不厭，還有一樣韓國名物在香港落腳兩年多仍然人氣高企，就是韓式炸雞。韓國人深明不進則退的道理，所以炸雞界早已開始靜靜起革命，用烤焗的方法取代傳統油炸，雞件的油膩感大減，食多幾件都無罪疚感。

炸雞新員「The Hwaduk」在韓國開業只有三年，但分店已經有30間，遍布全國，剛在香港開設海外第一間分店，選址銅鑼灣高級食廈Cubus。食廈間間餐廳人均消費「閒閒哋」索價400元，但The Hwaduk收費明顯親民得多，炸雞最平$168，仲有熱烘烘的麥茶讓你暖暖胃，後生仔女也消費得起。

7款口味任選

炸雞有七款口味，原味分有骨及無骨，亦有BBQ醬、蒜味、韓式辣醬伴年糕等。餐廳所選用的雞隻是中國芝麻雞，愛其脂肪少但肉味濃，跟韓國本店所使用的雞隻品種味道差不多。一份炸雞用上足一隻雞分量，但由於每隻雞的重量不會超過1kg，即使一個人都可吃到一份，約埋朋友來食可試多幾款味。

雖說是「炸雞」，但實際上是「烤雞」。餐廳特別花上六位數字由意大利購入以火山岩製成的烤爐，是全港首間使用此爐的韓國餐廳。收到柯打後將雞再入爐烤製，大廚首先會放於近明火位置用高溫將雞烤熟，隨後會每五分鐘將雞隻轉換位置，用不同火力將表面烤脆。由於雞隻置隔油網上烤製，不會出現被雞油浸濕的情況，每塊雞件都能夠保持乾身。

有意大利烤爐坐鎮，單是用來烤雞太浪費了吧！餐廳還供應四款Pizza，餅底是薄式Style，有以番茄芝士火箭菜為餡料的Margherita Pizza，亦有蘑菇及雞肉Pizza等口味。

The Hwaduk

地址：銅鑼灣開平道1號CUBUS 21樓

電話：2811 8821

平均消費：$200

編輯：余運慶

設計：招潤洪