開個唱戒澱粉質 林峯過年只食鮑魚

林峯最近積極為四月底舉行的紅館演唱會做準備，即使昨日是元宵佳節，一向sweet到爆的他卻聲稱沒有陪女友吳千語。林峯看來消瘦了，他坦言農曆新年亦要忍口，只可以食鮑魚。

林峯趁昨日元宵節到電台宣傳，他笑言沒有機會吃湯圓。問到怎樣跟千語BB慶祝？林峯表示：「各有各忙，同埋節日唔一定要當日慶祝，以工作為主。」他又稱最近忙於為演唱會keep fit，現時戒吃澱粉質，只吃蔬菜和雞胸肉，農曆新年期間已經忍口，蘿蔔糕都只是望不敢食，笑言自己只可以食鮑魚。

面皮不夠薄

陪女友食飯豈不是只可以望住她吃？林峯直言：「佢食晒仲好，不過依家都好少出去食飯，都係食生菜多。最近每日健身和跑步，希望可以練到腹肌。」是否想瘦過女友？他卻搖頭表示：「冇可能，我一世都冇可能瘦過佢，就算擺我喺荒島一世都冇可能。（想操練人魚綫？）都幾大壓力，因為我唔係成日操，都唔知效果點，盡力啦。（好似張家輝咁勁？）家輝好嘢，佢本身瘦底嘛。」

林峯現時約150多磅，但教練認為臉龐要凹，上鏡才會好看，可是他皮不夠薄，林峯笑言：「希望餡靚，谷大佢，不過都要戒晒穀物，有時血糖低，做Gym會有少少暈，希望可以keep得幾耐得幾耐。」

撰文：Pauline

攝影：林良明

編輯：陳禮恒

設計：大雄