林峯節食戒糖鹽苦練人魚綫

即將第五次踏上紅館舞台開騷的林峯，將於4月29至5月1日舉行一連三場《HEAT ATTACK LF Live in HK林峯演唱會》，昨天在邵氏影城舉行記者會，揚言要爭取唱到12點罰款都在所不計。

闊別三年再開騷，早前在紅隧口掛上巨型海報，林峯在台上表示有日坐開篷巴士經過隧道口，見到該張海報表現興奮，想企起身時，險些撞到後尾枕。

操肌頭暈又作嘔

席上，林峯為一幅約40呎高的海報揭幕，之後英皇高層吳雨上台致送神秘禮物——手提電話，並即場叫林峯輸入電話號碼後，兩人身後立刻有一條30呎高的水柱爆出，他們都被這突如其來的heart attack嚇一跳，結果背部全是水點。

受訪時，林峯透露今次找來張家輝的健身教練為自己操肌，他說最初幾天身體未能適應，以致頭暈又作嘔，現在飲食習慣也要改變，他說：「已經戒食甜嘢，遲啲會戒埋鹽，實行多菜少肉，其實收乾身材最難，肌肉唔難操，當然我都希望操到人魚綫。（豈不是唔可以同千語BB一齊食飯？）已經同佢約法三章，佢要自己食晒先得。」

談到之前開騷已玩過水和火，今次會為觀眾帶來甚麼驚喜，林峯表示：「需視乎歌曲編排而定。（製作費係咪好高？）呢方面從來冇擔心，公司會全力support，而且無上限。」反而他正頭痛嘉賓人選，半年前已開始費煞思量。

採訪：Pauline

攝影：林良明

編輯：黃寶恩

設計：鄧俊明