再演情侶奉旨煙韌 蕭正楠翠如床上攬住瞓

蕭正楠（Edwin）和黃翠如於2013年底合作《師奶Madam》撻着，最近兩人又再合演新劇《幕後玩家》，在監製陳維冠安排下奉旨拍拖。昨日兩人出席開鏡儀式，Edwin對女友更是無微不至，接受媒體訪問時，他還主動揸咪：「呢啲粗重嘢等我嚟！」翠如在旁甜絲絲地笑。

蕭正楠與女友黃翠如出席新劇《幕後玩家》開鏡拜神儀式，Edwin與翠如在劇中飾演情侶，被取笑奉旨拍拖，翠如說：「當日監製分別約見我同Edwin，收到劇本後幾驚訝，估唔到咁大膽搵我哋做情侶。」Edwin就說：「劇中我哋愛得好深，由初戀到誤會，之後翠如去咗美國，然後再返嚟追番佢，有場戲需要模仿好多經典電影角色，講咗好多愛的宣言。」他還透露這一幕正正就是結局，他們是happy ending的。

在角色介紹時，Edwin自爆劇中有多場床戲，受訪時問到床戲有幾激？Edwin笑說：「不過係同張繼聰，講佢住喺我屋企，唔知點解有房唔瞓，係要入嚟我房瞓，仲要瞓喺我心口流晒口水。同翠如都有少少，因為講佢有怪病，每逢夜晚失眠，佢都要攬住我先瞓得着。」那有沒有咀戲？翠如補充：「暫時未知，因為中間講我哋係朋友。」

鄧佩儀犧牲長髮

為拍攝《幕》劇剪了一頭短髮的鄧佩儀，看來相當清爽，她亦表示自十歲至今沒有剪過短髮，但她沒有不捨得，反而覺得短髮既清爽且方便，並笑言：「洗完頭五分鐘就吹乾。」她透露劇中與張繼聰有感情戲，暫時未知會否有床戲或咀戲，若劇情需要也會配合。

採訪：Pauline

攝影：林良明

編輯：黃寶恩

設計：梁政敏