Sammi開騷失聲 安仔心痛

鄭秀文（Sammi）近日舉行八場紅館騷，首晚演出頻頻失聲，當眾數度落淚，幸好前晚第三場演出已見好轉，令Mi迷放下心頭大石。許志安場場做座上客為老婆打氣，但他預告尾場嘉賓一定不是自己。

許志安、樂隊Dear Jane昨日到商台接受訪問，安仔談到老婆Sammi感冒未癒、聲音沙啞，但仍十分專業，堅持繼續開騷，有份捧場的他直言覺得很心痛。問到Sammi完成首晚個唱，返家後是否悶悶不樂？安仔說：「首先，佢係住酒店，唔係屋企。（你有冇去酒店陪Sammi？）都有去睇睇，佢清楚知道把聲失咗就要去面對，佢處理得好好，歌迷都好錫佢。」安仔又會如何把正能量帶給她？他笑言：「咪攞住bon bon棒係咁扑囉。」

生B改名「許勝不許敗」罰抄點算

第二場嘉賓黃子華上台棟篤笑時，提議他們將來的BB改名做「許勝不許敗」，安仔即忍笑道：「好搞笑，許勝不許敗，我怕入幼稚園有問題，如果罰抄，永遠都係留堂嗰個。」

此外，Sammi前晚把聲又似乎開番，其心情也好多了，安仔亦笑住表示：「漸入佳境。」不過，他透露未必每晚都捧場，因要離港宣傳新戲《兇手還未睡》。至於尾場9月25日會否以神秘嘉賓身份上台？安仔直言：「冇諗過，總之我唔係嘉賓之一。」

撰文：Pauline

攝影：Lego

編輯：陳禮恒

設計：梁政敏