張繼聰：Kay陀B女辛苦過上次

張繼聰日前正式宣布老婆謝安琪（Kay）有喜，快將為囝囝張瞻添個細妹，但他表示：「見到太太（懷第二胎）比較辛苦，令我更加覺得做媽咪好偉大。」

張繼聰、方力申前晚率領籃球隊「Nuts」在灣仔修頓迎戰東方籃球隊，大會預早送上BB波衫給阿聰，笑言好快有新血加入啦啦隊。阿聰回應：「未有咁快，不過依家抽到時間比賽，出嚟打波就好似『假釋』咁。」至於停工專心養胎的Kay，阿聰稱：「上次大肚時比較輕鬆，隔咗十年，今次佢真係辛苦啲，有作嘔、害喜嘅情況。」他強調雖然辛苦，但老婆沒有向他發脾氣。

提前做呷醋外父

會否陪老婆「放產假」？阿聰表示明年工作已排得密麻麻，加上老婆臨盆日子撞正開劇，幸得監製體諒，相信屆時可以陪Kay迎接B女出世。而有指Kay個肚很巨大，阿聰則表示：「依家睇BB嘅Size進度都好好，托賴啦。」至於張瞻快將做哥哥，阿聰表示他卻想要弟弟多一點，得知妹妹將誕生，反而有點冷淡。阿聰又自爆已經諗定囡囡長大成人，將來對她的男朋友講甚麼：「我會同個男仔講，你知道我有紋身，唔係善男信女，契爺白只又肢解過人（在戲中），方力申與成班麻甩佬可以幫手企喺側邊嚇下佢。」

另一方面，小方表示球隊「Nuts」已成立接近六年，他笑謂：「我哋算好fit，其他對手可能已有大肚腩、冇乜頭髮。」阿聰就說很多隊友都有小朋友，期望下一代的陣容更鼎盛。至於前晚賽果，「Nuts」以66比67，僅輸一分給東方籃球隊。

撰文：Pauline

編輯：陳禮恒

設計：招潤洪