分手開記招再爆料 莊端兒單方面求解約

莊端兒因前男友張致恒（Steven）爆出偷食引發連串是非，她昨日舉行記者會，卻自爆已單方面向經理人諸葛紫岐提出終止合作關係，同時被踢爆曾結過婚的她，最後在網上承認結過婚又離過婚。

莊端兒昨日化上淡粧兼以全黑打扮現身記者會，原以為她會交代舊愛出軌事件，怎料她甫現身即讀出聲明，直言跟Steven已經分手，並祝福對方可以找到幸福，之後她續說：「喺今年8月5日，我已經向我經理人諸葛紫岐小姐發出咗律師信，單方面提出終止我哋合作關係……喺我哋呢段合作關係裏面，有人想我做一啲超越我底綫的事。」

婚姻維持很短時間

莊端兒更堅決表示：「如果有人用我個人資料去接洽工作，而導致第三方有損失，我莊端兒係唔會承擔責任，並且保留追究權利。」之後傳媒追問她08年跟有婦之夫有來往的傳聞，起身準備離開的她不耐煩表示：「唔好將人哋所爆嘅嘢強加喺我身上，要我去回應。」

不過一直否認結過婚的莊端兒，到昨日下午五時，突然在IG承認曾結婚：「我的確結過婚，婚姻維持了很短時間。爆料者如果想藉此抹黑我，我只覺得可笑。在此提醒一下，今天記招已經提出終止跟我經理人諸葛紫岐小姐合作關係。請爆料者好自為知。」

撰文：倪小珊

編輯：林梓添

設計：招潤洪