趙增熹開騷蝕錢當交學費

葉德嫻（Deanie姐）、倫永亮及趙增熹前晚在會展舉行演唱會尾場，三人完騷後受訪，問到開兩場是否未能盡興？趙增熹戲言：「都蝕夠啦。可能以為我哋三個木獨，唔似會搞得個騷好睇。（今次揀歌好辛苦？）Deanie姐成日都話唔唱自己啲歌，求咗好耐先肯唱三隻。」

倫永亮在台上又唱又跳，還扮前輩好友白雪仙的語氣，他笑言都是打「天才波」。會否計劃搞巡迴演出？趙增熹續稱：「唔蝕咪巡囉。（到底蝕幾多？）其實未埋單，雖然我係最大股東，但我嘅心態點都係賺，我好鍾意呢種表演模式，又有兩位最想合作嘅歌手同管弦樂團，今次當交學費，係好enjoy。」