《巾幗III》拍畢3年放MyTV 祥仔：同強姦戲無關

黎耀祥（祥仔）、胡杏兒、蕭正楠等主演的《巾幗梟雄之諜血長天》三年多前開拍，直到現在終於得以見天日，昨日一眾演員出席《解禁響天下》記者會，祥仔否認劇集當時被放入「雪櫃」是與一場強姦戲有關。

相隔三年重見天日，有指劇集出街時堅持完整播出，祥仔表示不知情：「公司係有咁嘅講法，相信應該剪得好少。（有冇雞姦戲？）冇，傳言啫，都係用意識、劇情同背景交代。強姦戲都係嘻嘻嘻就Cut機，咁耐經驗，點會拍啲出唔到街嘅戲呀，你估拍嚟自己睇咩？」何解到現在才解禁？祥仔稱曾與添哥（李添勝）傾過，可能題材牽涉到中日戰爭，公司考慮到當時的中、日關係及社會氣氛，相信並非單憑雞姦戲而放入「雪櫃」，祥仔曾聽聞cut了15集，不過都是傳言。祥仔又透露與杏兒有一場激情戲，不過劇情交代到他錫杏兒一啖，她就走了，始終電視尺度所限，咀戲已經好激了。

陳自瑤被綁驚到震

謝雪心在劇中飾演蕭正楠（Edwin）的奶媽，心姐笑言Edwin是飲她的奶水長大，司儀隨即取笑Edwin：「我以為你飲翠如嘅！」搞到Edwin尷尬不已。Edwin在劇中有一場強姦陳自瑤（Yoyo）場面，他可擔心王浩信看到這一幕？他不諱言：「擔心佢老公（王浩信）睇到都驚，都幾尷尬，同王浩信熟嘛。（怕女友黃翠如唔高興？）拍嘅時候未識佢，何況個女仔都唔尷尬，我又何必尷尬，咪埋對眼唔理囉。」他形容自己角色充滿獸性，不過不擔心影響形象，因好演員需要經歷。

陳自瑤被問到可擔心老公睇到強姦戲會不滿？她說：「冇事嘅，佢分得好清楚。其實場戲都有少少性感，我件衫被扯開。」除了強姦戲，Yoyo表示最深刻是一場被吊在樹上的戲份，吊了幾個鐘，令到本身有畏高的她坦言驚到震。

撰文：Pauline

編輯：林梓添

設計：梁政敏