hutchgo.com夥百佳港航 飛沖繩平$500

想起買機票訂酒店等瑣碎事，黛安就頭痛，幸男友一手包辦，自己上網做晒research。「有無聽過hutchgo.com？」男友一問，黛安當然睇下，原來自6月底起，長江和記實業的旅遊公司正式改名「和記旅遊」，旗下兩個品牌分別是，前身為Priceline香港的「hutchgo.com」及發展企業旅遊的「hutchison Corporate Travel」。

hutchgo.com搵埋同系姊妹公司百佳超級市場合作，加盟做「易賞錢」積分計劃商戶，透過網站訂機票、酒店等，可累積易賞錢積分。為咗擦靚招牌，兩間公司仲同香港航空聯手推旅遊優惠，即日至8月26日，在港澳百佳旗下所有分店如TASTE、International、GREAT等買滿500元，憑收據於hutchgo.com買港航來回香港沖繩機票，二人同行減500元，9月1日起可出發。

hutchgo.com行政總裁馬宗傑話，品牌致力同集團其他不同業務合作，相信協同效應將有助他們為顧客帶來更多增值服務。

3流動車周末出動

講起長和系，黛安仲知道，和記電訊旗下3香港最近都有新搞作。今個周末（8月1、2日），每日中午12時至晚上8時到旺角朗豪坊附近，有機會見到「3夏日流動車」，大家在流動車出機或SIM上台可享限定優惠及額外禮品。